River Mouth
Evening used to come soft in Icacos, slipping through coconut trees and over cracked fishing pirogues on the shore. Lately,…
The online magazine of new writing from around the globe
9 August 2021
அலைகள் ஆரப்பரித்தடங்கிய கடலோரம்
சடலங்களை கண்டோம்
கண்கள் அகல விரிந்தும்
கைகள் சூம்பியும்
காயங்கள் துப்பாக்கிபோல் நீண்டும் இருந்தன
நுரைப்பூக்கள் நசுங்காமல்
அலையில் கயிறெறிந்து
மீனுக்காய் காத்திருந்தவர்கள்
கரிய கொடும் இரவில்
என்ன இரந்திருப்பார்கள்
ஒரு துண்டு நிலத்தை
அதிகாரத்தில் பங்கை
ஒரு நாளும் கேட்காதவர்கள்
அழுது வடித்த மழை
ஒடுங்கி நிற்கும் தென்னைகள்
சாட்சியாய்
உயிருக்காய் மண்டியிட்டு அழுதிருப்பார்கள்
ஓசைப்படாமல் சுட்டுச் சென்றிருக்கிறார்கள்
வெண்மணல் சிவந்து கறுத்திருந்தது
காற்று தலையடித்துப் பதறிட
சடலங்களை மீட்டு வந்தோம்
அலைக்கும் கரைக்கும் இடையில்
உயிரற்று கிடந்தது கடல்
முன்னொரு காலத்தில்
எனதூரில்
கட்டிடங்கள் காப்பமாவதில்லை
பட்டியாய்ப் பல்கிப் பெருகவில்லை
ஈன்று தள்ளியதெல்லாம்
மருதை,
வாகை, வம்மி
மூன்று தசாப்த்தம் முடிவதற்குள்
கல், மண், கலவி உச்சத்தில்
பிறந்ததெல்லாம்
சுவர்கள்
கூரை உயர்ந்த வீடுகள்
கட்டிடக்காடுகள்.
வீடுகளில் முற்றமில்லை
முன்வாசலில்லை
கோடிப்பக்கம் கறிமுருங்கை
பூப்பதில்லை
காற்றள்ளிக் கொட்டும்
மாவில்லை, வேம்பில்லை
காகம் கரையக் கொப்பில்லை.
வீடுகள் காய்த்து
கிளைபரப்பி நெடிதுயர்கிறது
தென்னை தோற்று
தலை சவட்டிக் குனிகிறது
இரட்டை மாடிகள்
வளர்ந்து
வளர்ந்து
வான்முகடு கிழியும் விரைவில்
முந்திரி விரும்பிய கிளிகள்
கொட்டைப்பாக்கான் குருவிகள்
வனாந்தரங்களுக்கு
திசை பிரிந்து விட்டது
பட்டமரம் தேடிய மரங்கொத்தி
கருங்கல் தூண்களில்
அலகுடைக்கிறது
வாகை நான்கும்
வம்மி ஐந்தும்
கடைசிப் பூவையும், பிஞ்சையும் உதிர்த்து
ஒற்றையாய் நிற்கிறது
வேரில் துளி நீரும் காய்ந்து கொண்டிருக்கிற
மரங்கள் வற்றிய ஊரில்
நிழல் தேடி அலைகிறது சூரியன்
Illustration by Griselda Gabriele
Evening used to come soft in Icacos, slipping through coconut trees and over cracked fishing pirogues on the shore. Lately,…
It all started in the monsoon of 1950—or 51? It was a golden day, soon to turn grey. I had…
Akure, Nigeria, 1999 January: My new guardian was a performer of miracles. A pastor whose anointed touch could heal sicknesses.…
Sign up to receive new pieces of writing as soon as they are published as well as information on competitions, creative grants and more.